Talat Xhaferi: E kemi ditur se më 27 prill qytetarët do futen në Parlament, prandaj nuk erdhi Ahmeti

Kryetari i Parlamentit të Maqedonisë, Talat Xhaferi e ka pranuar që BDI e ka ditur se më 27 prill qytetarët do të futen në Parlament. Xhaferi e pranon se për këtë arsye atë ditë nuk ka qenë në Parlament kryetari i BDI-së Ali Ahmeti.

“Sinqerisht, në të gjitha parashikimet dhe analizat që i bënim paraprakisht, konstatimi ishte se mund të ndodhë hyrja dhe se do të ndodhë hyrja. Lidhur me pyetjen për Ali Ahmetin, ishte vendim në bazë të analizës se nëse ai është brenda, ai mllef që do të futet brenda duke pasur parasysh ngjarjet nga viti 2001, vlerësimi im isgte se nëse ai do të jetë brenda do të shfrytëzohet rasti që ai të jetë cak i eleminimit fizik.Për atë arsye, koalicioni, por edhe si vendim i partisë ishte që Ali Ahmeti të mos jetë brenda”, ka deklaruar Xhaferi në Tv Telma. Ai nuk është përgjigjur në pyetjen se pse për këtë rrezik nuk është njoftuar ministri i punëve të brendshme, që në atë kohë ka qenë Agim Nuhiu i BDI-së.

Leave a Reply

Your email address will not be published. Required fields are marked *

error: KOPJIMI ËSHTË I NDALUAR !